雖然病病哋,但星期六仍然返公司做少少嘢,有同事話,近日經常被親友問,現在究竟應該買樓抑或賣樓,我話樓市唔係非黑即白,唔係買就係賣,冇樓可以按兵不動,睇定啲,才決定是否買樓,有樓亦唔需要急於賣,畢竟樓市現在回氣,抖夠氣就會再上。
同事話,已經同親戚咁樣講,但親戚唔收貨,認為答案模棱兩可,可不可以有一個確實答案,買樓抑或賣樓,我
話不如咁答,現在可以唔買樓,但唔應該賣,至於幾時可以買或者賣,睇銀行態度,如果有跡象銀行會放寛按揭,打算買樓的人就要及早買樓,但如果銀行表示無意放寬,甚至收緊,賣樓的人就要即時放售,就算平啲都賣,銀行唔支持,樓市就算唔跌都唔會上升。