ENG
瀏覽人次:408    回應:0

點解物業投資者現在賣的物業咁差

湯文亮

紀惠集團行政總裁

  有老友話物業代理是否唔做生意,他趁樓市價殘,向物業代理表示打算買一些物業投資,並且話唔會鋤價,甚至可以俾高市價些少,老友以為一定有很多靚盤,誰不知物業代理攞嚟的樓盤,不但質素不佳,而且都唔平,老友唔明白,又話物業投資者被銀行call loan,點解物業代理唔攞一些靚盤俾佢,老友問我有冇相熟物業代理介紹俾佢,仲表示會俾足佣金。

  老友千祈唔好誤會物業代理,而事實上他們盡了力,不過,投資者手上的確冇靚盤可以放出街,所以,老友收唔到靚盤是不出奇。

  一般物業投資者做法,當他們買入一大堆物業時,例如一個有幾十個單位的商場,或者商廈,就會以高出購入價兩三成賣走大約三成質素中上的單位,通常都可以做得到,剩下來的是優質以及質素比較差的單位,由於有真正成交價,他們可以向銀行借多啲錢,通常是可以成功的,剩下來的單位可以慢慢賣或者收租,這個如意算盤一向都係咁打,不過,今次打唔響。

  由於測量師行將樓價調低,銀行於是向那些借貸比率不合格的物業投資者要求補差額,投資者被迫賣走手上一些物業來降低借貸比率,老實說,質素比較差的單位是賣不出,投資者唯有將質素最好的物業賣走,這些事已經發生了接近兩年,不少投資者早已賣走手上最優質物業,所以,今天才買樓的人發覺,即使願意出高過市價都買唔到心目中的優質物業,並不是投資者沒有優質物業,而是那些物業早已被迫賣走。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼