茶餐廳手記（#919）美800將領集結所謂何事

　　今日早上去到茶餐廳，見到一個做連鎖分店經理的客人心事重重，客人話唔知點解，總公司突然叫哂所有連鎖分店經理開會，仲要連續開兩日，食完早餐就要去，唔知是否公司執笠，但應該唔似，因為大多數分店都有賺錢，公司亦賺錢，唔會突然執笠。

　　老闆話，連鎖店咁嘅情況，叫哂所有分店經理開會，目的是汰弱留強，將蝕本或者做得唔好的分店閂咗佢，大約10至15%，做得好就可以留低，所以，做得好，有錢賺就不用擔心，否則就算今次沒有被淘汰，下次都很大機會。

　　老闆言之有理，美防長突然叫800美國准將以上的將領開會，很多人擔心美國是否準備打仗，甚至同外星人打仗，因為有消息傳出美國最神秘的第51區受到襲擊．所以不得不召集800將領商討對策，如果美國第51區受到外星人襲擊，這是關乎全世界的事，不能只集結美國將領。

　　其實，美國在全世界有750基地，支出大到不得了，美國的國防預算，大多數用作維持那些基地，新武器發展的預算很少，特朗普有見及此，吩咐防長赫格塞斯叫基地負責的將軍開會，如果任何基地的作用不大，不如閂咗佢，慳返國防預算發展武器，否則就跟唔上中國，所以，在今次集結之後，將會有不少將領退休，至於有傳聞話，800將領集結是由於第51區受到不明來歷攻擊，大家商量一個對策，我相信這只不過是美國政府轉移大家視線，如果第51區真係受到攻擊，美國將領集結都冇用，所以，大家不用擔心地球受外星人襲擊。