茶餐廳手記（#890）投資者賣樓如獅子殺子

　　今日早上去到茶餐廳，有客人話大銀行一姐高估價29%買樓，樓市應該見底回升，我最近賣了接近20億物業，是否睇錯市，或者叫人攻，自己鬆。

　　銀行一姐買樓，當然是一個積極訊號，但並不表示樓價一定會升，正確訊息是如果有能力而又有需，現在是可以買樓，我認為這個訊息是非常足夠，大家可以因自己能力以及需要來決定買唔買樓。

　　至於叫人攻，自己鬆更加是一個誤會，老實說，如何可以的話，我絕對唔想賣樓，不過是為勢所迫，如果現在唔賣走一些物業，到最後可能全部都變成銀主盤，好似獅子一樣，知道世界是沒有足夠食物俾它的子女，唯有親自殺死幾隻，否則，可能全部子女都因為食物不足而死亡。

　　不過，實話實說，獅子才是為勢所迫，因為獅子冇辦法控制一竇生幾多隻獅子，生得太多才迫不得已要殺死幾隻，但我可以控制買幾多物業，買得太多，當估價下跌，銀行追差額，就要被迫賣走一些物業，絕對不能躺平，放任不理，否則到最後，銀行就會沒收物業再出售，銀行賣樓一定唔會好價，就算賣哂都可能欠銀行多少，問題始終沒有真正解決。

　　獅子也是一樣，一定要親自殺死子女，因為它會留低最強壯的兩隻，以後就比較容易生存，如果由其他獅子代勞，有理冇理全部都會殺死，所以，動物與人類都是一樣，要生存就要自己爭取。