今日早上去到茶餐廳，有客人話昨晚睇到條片，較早前不斷唱衰湯文亮的YouTuber 改口話香港銀行如果唔向發展商以及投資者call loan，隨時會爆煲，全部香港人要陪葬。
老闆話，真係唔知點解有咁多YouTuber 望香港衰，銀行借錢俾發展商就好似借錢俾人做生意，不但唔可以隨便call loan，有時候甚至要借多啲錢俾發展商完成項目，貸出去款項才可以順利收回，如果call loan最後會出現兩敗俱傷，發展商不在話下，分分鐘可能要清盤，銀行除了收唔返貸款之外，仲嚇到其他人唔敢問銀行借錢。
至於借錢俾投資者就要採取另一做法，最簡單就是強制投資者出售一些資產降低借貸比率，這亦是港銀現在採取的做法，不過，今次的確是投資者做得不好，有部份投資者採取躺平，令銀行不得不沒收他們的物業，再低價出售，做成樓價下跌，影響正在努力解決問題的投資者，不過，隨著樓市回穩，最壞的情況已經過去，
根本不用擔心銀行因地產商或者投資者在暫時未能依期還款的情況下爆煲，說到底那些貸款有足夠抵押品，未能依期還款只可以話是不良貸款，並非壞帳，不良貸款是不會令銀行爆煲。
令銀行爆煲是會突如其來，歸根究底是兩個字，唔信，當市民唔信銀行，就會出現擠提，銀行就會爆煲，不過，銀行界好似五嶽劍派，同氣連枝，某間銀行被傳爆煲，其他銀行會八方支援，否則最後會受到牽連，YouTuber 話銀行爆煲，只是順口開河，亂噏一通而已。
