今日早上去到茶餐廳，有客人話近日很煩，原因是有一個物業按了俾銀行，按揭成數不足四成，本來是冇問題，但近日中美貿易戰，他有的賒數暫時未能收回，所以亦不能向銀行供款，銀行追數追得好急，有朋友教佢將物業轉按俾財仔，雖然俾多些少利息，但可以解燃眉之急，客人覺得這是冇辦法中辦法，但又覺得唔係幾妥，所以今日專程嚟問吓老闆，或者睇吓大家有什麼意見可以俾佢參考。
在座各位客人，除了沒有意見的幾位之外，其他都贊成將物業轉按俾財仔，但老闆有不同意見，老闆話在茶餐廳不時有客人講到這個問題，綜合非常專業意見，對於按揭成數不高的物業來說，業主應該任由銀行將物業變成銀行盤，當物業變成銀主盤之後，已經是銀行囊中物，如果按揭成數不高，銀行是不會急於出售那些銀行盤，
何不收多幾個月甚至一年利息，不但得到客戶讚賞，並且可以收取較高利息，何樂而不為，換句話說，在銀行銀主盤其實是避難所，不過很多人不明白這個道理，被銀行追數便立刻急急忙忙將物業轉按到財務公司，最後，可能失去那個物業。
按在財仔的物業是可以取得較高按揭貸款金額，但風險很高，萬一還唔到錢，財仔便會按合約沒收物業，而且好快以低價在市場出售，到了那個時候，業主是無能為力，任由財仔宰割，所以，如果按揭成數不高，因還唔到供款而受到銀行追數，倒不如任由銀行將物業變成銀主盤，銀行是不會咁快出售那些按揭成數不高的銀主盤，最後，業主發覺在銀行的銀主盤其實是避難所。
