瞓醒AI話俾我知,昨晚美股又大屠殺,道指跌949點,納指跌1261點,沒有黃仁勳的英偉達,雖然管理層話早啲加薪,但阻止唔到繼續下跌,收市跌20美元,報125.53美元,比高峰時接近腰斬。
今日仍然冇去跑步,可以早少少落會所飲咖啡,有住客話,每一國領袖步入APEC晚宴會場時都一首歌伴奏,香
港李家超的是獅子山下,高市早苗的是Sukiyaki ,點解係Sukiyaki 。
住客可能唔知,Sukiyaki 是一首反對美日安保條約,令岸信介下台的歌,岸信介是安倍晉三外公,大會播這首歌,唔係食鋤燒,唔係「昂首向前走」咁簡單,而係提醒高市早苗,唔好諗住拍住美國反華。