一宿無話，道指跌185點，霍爾木茲海峽將會重開，油價跌破90美元，報89.5美元，香港在亞運會攞到3個金牌，何詩蓓女子100，200米都奪冠，另外一個是武術，女子長拳，沈曉榆攞。
跑完5公里後去到會所，有住客話，雖然美伊和談有進展，霍爾木茲海峽重開，但美財長在另外一個場合表示，全世界都唔可以支持伊朗，為伊朗航空公司加油，否則就會被踢出SWIFT系統，唔可以用美元結算。
美財長咁講就大件事，他是警告持有美債的國家不能夠支持伊朗，否則就會被踢出SWIFT ，那些國家又點可以結算美債，老實說，如果財長一句說話就可以令全世界屈服，使乜史詩怒火，美財長咁講以為嚇窒所有國家，其實是自毁長城，美國可以用任何理由踢任何國家出SWIFT，美國就唔使還錢，以後邊度有國家夠膽買美債。
