一宿無話，Space X跌穿招股價135美元，報131.11美元，道指跌106點，油價保持平穩，報80美元，台期夜期跌917點，超2%，今日唔知是否可以先跌後升。
去到會所，有做零售的住客話，他一向用自己的舖位做生意，但老友有一個吉舖，叫佢幫手租咗佢，住客勉為其難，舖位生意愈做愈好，老友家人於是大幅加租，比市價高很多，住客二話不說，將舖位交返畀老友，不過就拆了裝修，搬走設備，老友搵另一租客，條友在行頭出名孤寒利毒，老友慢慢就知道滋味，住客唔明白，雙方合作咁好，交租又準時，收返嚟自用都無可厚非，但再租出去，而且租畀一個聲名不好的租客，正常業主唔會咁做。
住客可能唔知，中國一向幫印尼開採鎳礦，而且做得好好，開拓了40萬個工作崗位，但印尼突然收緊中國鎳礦配額，即是要踢走中國，中國二話不說就21日內就將工廠搬走，連一口螺絲釘都沒有留低，印尼於是搵印度接捧，印度是何許人也大家都知道，現在擔定凳仔，買酒花生睇表演。
