重陽節早上，有傳媒報道，樓價止跌回升，在今年首三季，上升了1.14%，有老友記得大約在一年前，有女玄學家同我打賭，2025年樓市必跌，樓價指數是少跌20%，現在當然失聲，我當然沒有打賭，更加談不上輸贏，但有感當時女玄學家的咄咄迫人，是得到傳媒機構配合，於是下定決心，不再接受傳媒訪問，只是發表文章，將自己心得講出嚟。
有人話今次大件事，去年他睇完訪問，相信女玄學家是正確的，於是將自住單位賣走，打算在樓價下跌時回購，
但現在樓價不跌反升，而租住的單位到期，業主要加租5.5%，並且話並不是亂加租，只是根據差餉物業估價處的租金升幅而定，那人現在進退維谷，都唔知是否應該再買返樓，但如果唔買，租金樓價不斷上升，日後會愈輸愈多，真係想問吓那位女玄學家是否應該買樓，如果佢話買，他就唔會買，如果女玄學家話賣，他立刻買樓。
我同那人講，女玄學家是不會叫人現在買樓，因為如果咁講，即是認輸，所以，她一定要睇淡樓市，一定會叫人唔好買樓，甚至要賣樓，咁樣她才有翻身機會，明年樓市上升才可以大大聲講，樓價並不是不跌，而是去年未跌今年跌，其實，女玄學家可能唔知道，睇樓市並不是睇天干地支，而是睇人口增長，香港政府用了不少辦法吸納收來人才，亦達到預期目的，人口的確有不俗增長，所以租金才會上升，租客是end-user，end-user增加，租金點會唔升，租金升，樓價又點會下跌，女玄學家即使知道實狀，都唔會叫人買樓，否則即是認輸，以後點樣可以出嚟行走江湖。
