有老友剛從澳門回來，垂頭喪氣，唔使問阿貴都知道是輸了錢，老友話輸錢唔緊要，去澳門預咗輸，有人介紹佢問大耳窿借錢返本，本來都唔想，但經不起別人游說，始終問大耳窿借錢去賭，最激氣是大耳窿借了錢但唔俾佢賭，派一個伙記替佢落注，很快就將借返嚟的錢輸晒，老友話早知自己冇得落注，就唔問大耳窿借錢。
其實，問銀行借錢買樓也是一樣，如果樓價大跌而又補唔到差額，或者未能供款，銀行是會沒收物業，變成銀主盤之後在市場出售，當物業變成銀主盤，業主就沒有話語權，作為銀主的銀行是有權處理那些物業，即使業主認為樓價會調頭回升，唔應該賣走他的銀主盤，銀行仍然可以不理業主訴求，以合法程序將銀主盤賣走，不足之數仍然可以向業主追討，即使日後回升，業主不但不能夠向銀行追討，並且仍然要向銀行支付當日賣走時的不足之數，很多人在樓價調頭回升之後就會話，早知當日買樓唔問銀行借錢，與那些問過大耳窿借錢的人賭錢一樣，他們會話，早知唔問大耳窿借錢去賭。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
最激氣是大耳窿借了錢但唔俾佢賭，派一個伙記替佢落注，很快就將借返嚟的錢輸晒，老友話早知自己冇得落注，就唔問大耳窿借錢。