ENG
瀏覽人次:21060    回應:3

老C點解會轉軚

湯文亮

紀惠集團行政總裁

  星期一有不少人同我講,除了老C轉軚之外,仲有一個股市KOL,在恒指萬五點的時候話香港股市還須終極一跌,但到昨日,話恒指可以去到三萬點,真的是很難捉摸,老C則轉軚話樓市將會作出U型反彈,至於以前話樓市仍未到最壞時間,已經唔記得,問我有何評價。

  其實,股市預測、樓市預測,只是一個預測,信則有,不信則無。至於股市KOL與老C點解會轉軚,其實有什麼稀奇,晉陶淵明亦轉軚,佢話實迷途其未遠,覺今是而昨非,就是轉軚,轉軚轉得快就是正確,不過,潛哥轉軚就轉得比較文縐縐一些,轉咗都唔知。

     至於老C點解會轉軚,很簡單,就是老C揸住一些不是一般人知道的數據,我都唔知道可不可以寫出來。一般來說,在年三十晚,是不會有樓宇成交,但今年唔同,竟然有幾十單成交,老實說,一般業主都唔想在年三十晚賣樓,除非價錢比較高,到昨日,我們發覺,有不少成交價竟然漲幅達15%,如果我係老C,見到有咁嘅情況,都會轉軚。

     除此之外,做物業代理最希望是可以在一個已出售的物業做多一轉,所以,近日在不少臨時合約,都不會將”Subject to Contract” crossed out,代表業主可以賠訂重售,結果又會令樓價上升。單是這兩個訊息,就可以令到一個資深物業代理轉軚,如果仲唔識轉軚,唯有轉工。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 歡迎對號入座 2023-02-03 10:54:05
連佢公司班前線伙計都唔buy佢嘅預測,今天的我打倒昨天的我。
2. Oopp 2023-02-03 11:12:03
老C轉軚可能係因為而家不單止無大陽春、小陽春,係咩春都無,大佬啊,唔使食咩
3. 增加說服力 2023-02-03 13:13:25
乜春都冇?而家佢由極淡轉唱好喎。

咁多(可能)都要根據事實去估吧。