今晚與一班朋友食飯，有做基金的朋友話，見過不少做實業的廠家，賺到錢之後都用嚟買物業，借好少錢甚至唔借錢，所以，即使樓價下跌對他們的影響不大，甚至會趁低吸納，好似建滔近日用27億買入觀塘一幢商廈，李錦記亦買了唔少，最著名應該是中環無限極廣場。
我問做基金的朋友，他賺了錢會買什麼，他說全部買樓，full paid，唔會問銀行借錢，而他的同行，有不少同他一樣，賺到錢就買樓，在他們心目中，做基金是工作，買樓是儲蓄，物業這個錢罌不但可以儲錢，而且仲有租金收入，住客自己都有5個單位收租，就算退休都冇問題，不過，梗係做到自己唔做得為止。
其實，香港有很多有穩定高收入的人士，賺到錢就買樓收租，但有一個奇怪現象，任何人問，他們都不主張買樓，除了買樓的人不會租樓之外，隨時會變成自己的競爭對手，既然香港人唔鍾意物業，點解要教他們買樓。
上一則：
Javascript must be enabled to use this form.
敬請留言者自律。本網站保留刪除/堵截任何留言的權利。
唔少，最著名應該是中環無限極廣場。