有老友話，在中原指數連續下跌兩個星期，跌了0.45%之後，有一個樓市KOL話即使兩位物業代理界大佬認為樓價仍然有大幅上升空間，但是他認為樓價即將下跌，中原指數從現160點，跌至今年底150點，到明年底，更加會跌至130點，大約下跌15%，不過，他睇到我撰文不同意，並且話下跌0.45%，即是足球比賽，有一隊球員帶波剛過半場，教練已經起身大聲話自己球隊贏咗，根本講唔通，話口未完，中原指數連續升兩個星期，升返1.46%至162.16點，距離150點又遠一步，到年底，那位KOL如何自圓其說。
現在到年底還有四個多月，我亦不敢太過武斷，中原指數不會下跌至150點，不過，KOL可能是很少接觸樓宇交易，唔知道樓市在暑假例靜，十個淡靜九個跌，今個暑假已經算好，不但沒有下跌，而且仲有少少升幅，過了暑假，
我不敢說樓價好似脫韁野馬，但3、4個%應該可以做到，今年全年上升15%的機會亦很大，不過，唔單止得我一個人睇到，而是有很多投資者都睇到，所以，即使他們在過去半年至年半買入的物業，樓價已經有一定升幅，他們仍然唔捨得買，簡單來講，他們嫌賺得少，所以，在賺錢的摸貨未增加之前，樓價是不會停止上升，最多只是放緩上升速度。
我相信到了明年下半年，現在持貨的投資者就會放售那些有不俗利潤物業，甚至不賺錢的也會放售，到了那個時候，摸貨的數量大幅增加，代表樓價已經見頂，至於日後去向，就要到那時候才可以分析，因為要睇很多政策及數據，唔係話未來樓價下跌就會下跌。
