最近傳媒大發善心，除了報道劈價蝕讓之外，亦報道一些賺錢個案，原來賺得都幾深，在今年初買入，最近賣走，竟然可以賺10幾個%至20幾個%，最奇怪的就是這段期間，傳媒除了引述個別人士預測樓市會大冧之外，同時亦不斷報道劈價蝕讓，令到一般市民樓市正在下跌，甚至嚇到一些膽小的業主連自住單位都賣走，雖然有人話不用擔心，現在樓價與年初差不多，就算做錯決定，當日賣走自住單位，今日要以差不多樓價並非難事，最多是蝕了使費，都唔算做錯決定。
那些人除非唔買樓，如果買樓就會發覺當日賣走的價錢，今日根本買唔返，他們甚至會發覺當日賣走的單位，原來已經被買家摸走，今日要買返類似單位，隨時可能要加價兩成，真係喊都無謂，究竟點解會出現樓價指數保持平穩，但不能以差不多價錢買返昔日賣走的單位。
那些買家唔會知道，當日他們賣樓的時候，其實是要面對兩個人，一是買家，千祈唔好以為他們是一般買家，
他們是資深投資者或者炒家，他們出價是會低於市價，業主唔減價他們絕不會買，總會有一些業主願意減價出售，試問那些業主又如何能夠今日以以賣出價買返昔日賣走的單位，二是物業代理，雖然他們有收賣家佣金，但其實個心是向著新買家，因為如果新買家將物業賣返出嚟，他們可以做多一次生意，收多一次佣金，所以，他們是會迫業主賣樓，而且樓價唔會好，試問那些業主已經被傳媒嚇到心驚膽跳，仲要應付代理，正所謂雙拳對四手，有乜辦法賣到好價，昔日賣走的價錢今日又點可能買到樓。
