有老友話現在租金上升，利息下跌，但樓價不升反跌，點解會出現這個反常現象，如果連租金，利息都反映唔到樓市，現在睇樓市，究竟應該睇什麼。
我同意租金上升，樓價下跌是一個反常現象，但樓市永遠不會正常，有時會出現租金下跌，樓價上升的現象，不過這些反常現象是會自行調整，就好似現在，租金上升，樓價下跌，如果租金不在短期內回調，樓價就會上升，反之租金下調，樓價上升，如果租金不能在短期內回升，樓價就會下跌。
我講有很多人唔會相信，現在睇樓市應該睇潛在供應量，雖然老C話潛在供應量唔準確，這點我亦同意，但唔準確的指標用得太耐，就會變成準確，所以，大家不用為潛在供應量是否準確爭拗，只要大家繼續用，唔準確都可以發揮作用。
潛在供應量已經由2024年最多11.2萬個單位下跌至10.1萬，估計未來兩年仍然會下跌，
每季下跌2至4千個單位，大約跌至8萬個單位，而正常是9.3萬-9.4萬個單位，一條在樓價方面的物質不變定律，就是潛在供應量下跌，樓價就會上升，雖然有好多專家，玄學家話今年樓價會跌兩成，但都現時為止，樓市的消息雖然唔好，但樓價仍然持平，到了第三，四季，潛在供應量會進一步下跌，樓價應該會持續上升，到了明年，如果地產商唔申請起樓，潛在供應量會繼續下跌，樓價則會繼續上升，甚至會升到一個恐怖情況，打算賣樓的人要考慮這個情況。
