請完老友食飯仲俾佢嘲笑，佢話一般收租佬都非常孤寒，不過他明白，收租佬賺的是蠅頭小利，就算賺哂都是租金，所以要慳啲洗，唔似得炒家，隨時一買一賣賺樓價10幾個%，咁容易賺錢唔洗對唔住自己，應該冇乜有錢人孤寒得過收租佬。
我同意炒家比收租佬闊綽，主要原因是收租收孭住一筆債，冇乜現金，想唔孤寒都唔得，而炒家又唔同，不但賺錢容易，而且經常有很多現金，闊佬是正常的。
有一些人比收租佬更加孤寒，不過，他們並不是沒有現金，而是太多現金放在銀行做定存，本來那些人應該非常闊綽，但唔知點解，那些收息過日的人非常孤寒，他們寧願慳啲，將收息賺到的錢去做定存，叫他們洗錢如鑽木取火，不過，如果定存利息太低，那些食息的人反而願意洗錢，他們認為，那些錢唔洗都冇用，又唔可以生息，原來利息低反而會令到食息的人洗錢。
雖然炒家比收租佬闊綽，但收租佬絕不孤寒，尤其是近日利息下跌，收租佬少付很多利息支出，手鬆一些亦無可厚非，所以，近日大家如果有收租佬請食飯，千祈唔好話收租佬孤寒，好容易得罪人。
上一則：
Javascript must be enabled to use this form.
敬請留言者自律。本網站保留刪除/堵截任何留言的權利。
不但賺錢容易，而且經常有很多現金，闊佬是正常的。