多年前老闆俾一個任務給我，就是飛去台灣，向一個台灣財團購買他們在香港擁有的一幢商業大廈，老闆問我有冇把握，我話把握一定有，但要老闆配合，如果我有一張二千萬銀行本票作為誠意金，成功率超過九成，如果只是一張支票，成功率一半都冇，老闆話，二千萬元銀行本票，利息萬幾二萬元，很浪費，最後我放棄坐商務客位來換取一張二千萬元本票。
我去到台灣，見到大廈業主，對方話，湯先生，你不遠千里而來，誠意一定有，但如何證明，我話誠意是一張二
千萬港元，隨時可以兌現的銀行本票，業主睇到張本票，眼都大了，以後的商談就很容易，直到現在，我們仍然持有那幢商廈，很多人不明白，誠意金並不是業主要求，而是買家自動自覺，一張支票是唔夠，本票才能顯示出買家誠意。
老C梗係冇睇過少林足球，唔知道謝霆鋒收了一張由有錢佬發出的支票之後專登射失十二碼，最後不但俾人打跛腳而且支票亦不能兌現，謝霆鋒不明白，一張支票又點可以證明是有誠意，最低限度都要一張本票。
老C收了100萬誠意金打算賣AM 730，但支票彈了，對方的誠意沒有了，但全世界都知道老C要賣AM 730，對方如果打算唔買，一定會搵到唔買理由，無形中壓低AM 730價值，甚至嚇怕了有興趣的人，對老C絕對不公平，老C在平台發吓牢騷亦無可厚非，但唔好以為準買家好著數，以後買家買什麼嘢，賣家都可能要求銀行本票作為誠意金，如果冇本票，寧願唔傾落去。
