茶餐廳手記（#1137）自己話自己係獨裁者與別人話是不同的

　　今日早上去到茶餐廳，有客人話睇到外國傳媒報道，法國足球員麥巴比單嘢，他不但話毛澤東是獨裁者，他亦話自己係獨裁者，所以，中國政府以及中國人民唔需要大動肝火，除了不少中國企業取消麥巴比的代言人身份之外，央視立刻停播西甲賽事，雖然麥巴比已經發出聲明，但好似仍未得到中國政府以及人民諒解。

　　老闆話，外國傳媒應該知道，自己話自己係獨裁者與別人話是不同的，自己話代表我是揸fit人，有鑊我孭，別人話代表獨行獨斷，有鑊唔孭，分別很大，所以講自己是獨裁者但絕對不能夠講別人，尤其是其他國家的領導人。

　　有客人話，中國以及香港的留學生要留意，有外國YouTuber 不斷追訪中國留學生，問毛澤東是不是獨裁者，雖然暫時未有留學生話毛澤東是獨裁者，萬一如果有留學生咁樣講，日後對他們的影響很大，外國YouTuber 唔好害死中國留學生。

　　老闆話，唔好講中國留學生，就算香港或者台灣留學生，都唔會咁講，點解要毀了自己前途，況且，如果現在中國是由獨裁者統治，他們根本唔能夠出國，老實說，外國大學應發表聲明，指責那些YouTuber 將中國留學生引向絕境，這是非常不道德。