今日早上去到茶餐廳，聽到有客人講，在馬來西亞搵食的前無線藝員阿燦，對於傳聞話佢身家有一億，佢話唔止，他有兩個憶，一個是回憶，一個是失憶，有人話佢幽默過魯迅，魯迅只是話門前有兩棵樹，一棵是棗樹，另外一棵也是棗樹，並沒有話一棵是紅棗，另外一棵是黑棗。
老闆話，阿燦的確幽默，不過，他仍然是只得一憶，因為兩憶是不能共存，如果他失憶，就唔能會回憶，如果他能夠回憶，代表他並沒有失憶，兩憶是不能並存，回憶好過失憶。
在今次樓市急跌之後，估計有不少物業投資者要離場，日後，當他們懷緬過去，講返當年投資物業的威水史，如果以回憶心態，好似辛棄疾話，想當年，金戈鐵馬，氣吞萬里如虎，咁都唔係太差，只不過是時運不齊，命途多舛，有機會他們仍然可以重出江湖。
如果投資者以失憶態度面對，代表他已經放棄，就算是昔日的威水史，連提都唔想提，就算有人問到都唔想講，咁樣就很難再次投入物業市場，不過，據我了解，這類人不多，甚至沒有，因為做得資深投資者，都已經見習風浪，今次樓市的浪雖然很大，但仍未至於要投資者沒頂。
上一則：
Javascript must be enabled to use this form.
敬請留言者自律。本網站保留刪除/堵截任何留言的權利。
果以回憶心態，好似辛棄疾話，想當年，金戈鐵馬，氣吞萬里如虎，咁都唔係太差，只不過是時運不齊，命途多舛，有機會他們仍然可以重出江湖。