今日早上去到茶餐廳，有客人話，星期日與一班朋友踢波，對手打得很矛，不過經常輸波，大家見到對手輸波，一般都比較忍讓，唔多計較，但當日對手好似食咗藥，打得非常好，結果是對手贏波，本來亦是十分正常，但對手可能好興奮，在踢的時候不斷玩他們，踢完波講啲說話都幾難聽，搞到客人成隊波所有隊友都唔開心，結果是不歡而散，都唔知會唔會有下一場。
老闆話，踢波最忌對乎輸打贏耍，輸就打人，贏就玩人，雖然坊間話輸打贏要，輸打當然唔啱，但贏要是沒有問題，最奇怪的就是如果贏波，對手踢得矛都冇問題，但輸波仲要畀對手玩的確是頂住條氣。
新加坡最近意氣風發，總理黃循財在評論高市早苗的台灣有事，日本有事，並不是話日本唔應該咁講，而是叫中國忍咗佢，好似東盟國家一樣，早已唔記得二次世界大戰被日本佔領的苦況，現在只是看前行，老實說，東盟唔係唔記得，只是國力未及日本，唯有忍氣吞聲，黃總理咁樣講，即係話中國唔識得向前行，真係會得罪中國。
香港對新加坡亞洲杯外圍賽，雖然輸了波，但大多數球迷對香港不離不棄，新加坡青年部代理部長梁振偉話香港
球員同球迷白痴，擺到明是玩香港人，雖然後來收回其言論，但沒有什麼意思。
香港人輸了波就認命，冇話圍堵球證以及新加坡球員，冇出現所謂輸打，但新加坡就贏耍，贏了波仲話香港人係白痴，雖然後來收回其言論，但對於梁部長的仕途，可以劃上句號，老實說，白痴的是梁部長，咁嘅說話都可以講得出，如果有香港官員咁講，都唔使政府出手，傳媒一定大力鞭撻。
