今日早上去到茶餐廳，見到大家心情都唔錯，中原指數三連升，雖然升幅唔夠1%，但總好過下跌，而一個月拆息仍然維持在1%以下，令到不少供樓的業主負擔減少很多，最令大家失望就是鮑威爾遲遲唔肯減息，不過亦有客人話，就算美國減息都冇用，很快就會加返，反而是一個不利因素。
客人的說話真的是至理名言，未減息之前，大家期望會減息，是一個有利因素，但在減息之後，大家又會擔心唔知幾時會加返息，減息反而是一個不利因素，不過在這個階段，美國減息是必需的，至於幾時加返息，就睇情況而定，都唔顧得咁多。
老闆叫大家不用擔心，近日報章頭條，就是大摩以及大行分析齊齊唱好香港，甲廈止跌回升，其中一個原因就是利息一定會下跌，而且唔會咁快升返，至於大摩點解咁肯定，就是特朗普現在大力鼓吹減息，如果利息下跌，他絕對唔會將利息提升，起碼在他任內不會，特朗普還有三年多任期，如果美國利息下跌，起碼三年多不會加息，下一屆無論民主黨或者共和黨人做美國總統，都唔夠膽加息，所以，香港業主要為特朗普祝福，希望他可以完成這個總統任期，否則有可能要捱貴息。
上一則：
Javascript must be enabled to use this form.
敬請留言者自律。本網站保留刪除/堵截任何留言的權利。
大家又會擔心唔知幾時會加返息，減息反而是一個不利因素，不過在這個階段，美國減息是必需的，至於幾時加返息，就睇情況而定，都唔顧得咁多。