今日早上去到茶餐廳，有客人話佢個仔去年在美國哈佛大學畢業，真係好彩，如果未畢業就大鑊了，原因大家都知道，美國政府唔准哈佛收國際學生，現在就讀的要即時轉校，如果轉唔到就要離開美國，老實說，哈佛不會是單一事件，唔准哈佛收國際學生，其他名牌大學都危危乎，一定自我檢討，減少收取國際學生，所以，哈佛學生要轉校都唔係咁容易。
老闆話，天無絕人之路，哈佛唔收，科大立刻表態收生，相信港大中大等很快就會跟隨，不單止哈佛，
其他名牌大學例如耶魯，MIT等，相信亦會有一些國際學生來港讀書，香港可能冷手執個熱煎堆，不過，打鐵還需自身硬，如果香港啲大學唔夠水準，排名唔夠高，名牌大學生係唔會嚟。
有很多人認為，中概股可以在美國上市，點解要嚟香港，所以，港交所很難做得好，其實，港交所好似科大，如果在美國上市的中概股被勒令退市，那些公司可以考慮在香港上市，其實倫交所亦早已表示歡迎，所以，中概股至今仍然可以在美國上市，如果冇港交所，美國政府一早已任何理由踢走班中概股，不過，君子不立危牆之下，寧德時代寧願在香港上市，而且仲限制美國投資者參與，費事俾美國政府有任何藉口制裁，寧願賺少啲。
哈佛大學被美國政府要求踢走國際學生，是一個反面教材，證明美國是沒有學術自由，其實，美國收國際學生的目的是希望他們在學成之後，根據美國政府意願改變那些國際學生的國家，現在似乎愈行愈遠，甚至出現國際學生改變美國政府，所以一刀切將國際學生踢走，不過，咁樣做一定會影響到排名，沒有國際學生的大學又點可以排到高名次。
