今早去到茶餐廳，老闆話收到一個消息，就是老牌青春影星老四入市，以8,000萬買入了淺水灣一個單位，我話價錢唔錯，現在很難買到優質單位，原業主在2007年入市，十年只能夠賺一倍，嚴格來說是跑輸大市，我反問老闆，什麼是老牌青春影星，老闆話，老牌當然是指老四，青春是指他的女朋友，至於影星，拍過戲就可以叫做影星，明白。
老闆話有物業代理同佢講，老四入市，是一個警號，當日樓市在老四入市後急速下滑，老四在環球紅山兩役受到重創，如果不是他的老闆有情有義，老四今日很難東山再起，今日老四買樓，老一輩的物業代理猶有餘悸，有物業代理早已講過，老四買樓，走夾唔抖，我認為他們實在太擔心，現今樓市根基非常穩固，小調整或者會出現，大冧就唔會，唔好自己嚇自己，老闆問我老四幾大年紀，老實說，我唔知道，不過，我細細個就睇佢做戲，有一點我不明白，老四年紀唔細，點解仲要買樓，唔通買完樓之後攞去搵李令翔做安老按揭。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
大陸官場有句：有權不用，過期作廢！
香港樓市也是：有頭不用, 過期作廢！
青春是指他的女朋友，至於影星，拍過戲就可以叫做影星，明白。