在一個場合，有新進投資者講如何投資物業，怎樣買一個商場或者停車場回來拆售，只要多付一些佣金，那些物業代理就會搵到客人買，當他講到天花龍鳳時我才去到會場，
根本唔知道那位人兄在講什麼，有其他人問我拆售商場或者停車場意見，我話結果只得一個，就是靚就賣得走，唔靚就揸住在手，全場肅靜，我知道大鑊，立刻補鑊話，就算賣走補份，利潤已經不少，至於手上所剩下的單位是否優質都唔緊要，到市旺的時候，垃圾貨都可以賣走，我那樣說，那位新進投資者才稍為開顔，我立刻借意行開。
曾經玩拆售的投資者都知道，表面上利潤深厚，非常風光，其實那些利潤都是商場位置不佳的地方，賣唔出就變成利潤，所以，現在已經很少投資者玩拆場，變成玩拆場的都是新進投資者，因為他們尚未知道，拆場的結果是靚就賣得走，唔靚就揸住在手。
