瀏覽人次 : 10574    回應 : 28
文亮言
為尊敬的老師說一句公道話
 
湯文亮博士
紀惠集團行政總裁
2019年10月8日

  備受爭議的「禁蒙面法」終於出台,是否有效就要時間來證明,至於「禁蒙面法」點解會突然出台,有人認為是受到北京壓力,這個說法是合情合理,亦有人話因此近日參與示威活動的人年紀愈來愈輕,就算被槍傷的人都是14、5歲的少年,大家在未深究原因之下,便將責任歸咎於中學老師,我為了此事作了一些調查,並且與幾位精英出身的中學老師詳談,結果是我應該為尊敬的老師說一句公道話。

  社會上不停有人說中學生是受到老師洗腦,我不敢說沒有,但數字是很少,三字經裡亦有講「養不教,父之過」,大家唔好將教子女的責任交俾老師,老實說,老師是將知識灌輸給學生,對年輕人影響,父母的責任幾時都大過老師,而老師亦只不過是一份工,學生如流水行雲,根本沒有時間洗腦,至於中學校長,他們亦只是一個管理人員,不希望他所管轄的學校有什麼出錯,更加不會搞洗腦這回事,而且,他們不如大學校長那麼有吉士,香港的大學校長多數是國際知名學者,如果不合意就劈炮唔撈,例如前港大校長馬斐森,離開港大之後去了蘇格蘭愛丁堡大學做校長,在今次社運事件平息之後,我估計香港的大學最少有一半會辭職,因為大學校長的工作是世界性,所以他們可以辭職。

  至於中學校長則是地區性,雖然是為了教育,但亦要為生活,所以,他們並不能夠像大學校長那麼灑脫,既然是為了生活,他們又夠不夠膽同學生洗腦,而事實上,不少中學生對政府架構,甚至對中央政府,或者其國家的政府的架構都比一般香港人了解得多,這些是政治通識,但不能說他們洗腦,現在社會出了亂子,當權者就會以洗腦來掩護他們的疏忽,沒有認真解決問題,這就是今次社運的根源。老師們對我說,大部分人忽略了一件事,就是不少舊校友不斷回校鼓勵學弟學妹去抗爭,出了事就回校指責校長老師,這反而是一個難解決問題,老師話,那些舊校友如果要抗爭,首先要鼓勵自己的子女而非別人的子女,這點大家要小心思考。

  十年前,樓價飆升,曾蔭權二話不說,就話是炒家炒起樓價,對供應不足隻字不提,因為他知道供應是政府責任,結果是政府不斷出招壓樓市,但樓價不斷飆升,到今日,問題仍然未能解決,不過,大家都知道樓價上升是因為供應不足,炒家已經替政府揹這隻鑊揹了十年,今次社運,就輪到老師揹鑊,一席話令到老師和我有共鳴,因為我們都是受害者。

留言
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱 密碼
1. 輪到老師揹鑊 2019-10-08 11:29:42
要孭鑊, 教育局又如何可以置身事外?
2. 乜春 2019-10-08 11:34:59
『近日參舆示威活動的人年紀愈來愈輕,就算被槍傷的人都是14、5歲的少年』

這令人想起,德國同日本投降之前,被盟軍俘虜的都是十四、五歲的少年。
3. 引刀一快 2019-10-08 11:49:06
非常公道,不能怪老師。

老師邊有咁嘅本事教細路做游擊隊。

4. 十一哥 2019-10-08 12:08:36
9官蓄意玩死香港…失望…冇望…玩到絕望、有心人計住火氣濃度…點火氣爆…拆樓就一瞬間。
十一哥早早講過N次嘞、正苦專注供應公屋…以庇寒士、私樓就由得我地飛沙走石啦!

5. 舍神 2019-10-08 12:18:17
呢次運動, 最令我費解的是, 越有學歷的, 便越黃 (不是所有, 但為數不少)!
上了年齡的, 一般比較籃, 也是事實!

不計入世未深的年輕人!

其中社福界, 不在話下, 醫療界也一樣, 老師.....也得分年輕及年長的, 律師也為數很多.....一向中產的教會, 也一半半!!
君不見遊行中不少是來自這些行業?? 

只可說, 呢次抗爭陣營的文宣的確做得很出色!! 有時很多歪理都不是3言2語可以說得清楚! 而且人喜歡看及聽自己想聽想看的! 要一個人打倒昨日的我, 又談何容易!!  識得認錯的人, 非有非凡氣量的人又怎能做得到!!
6. 十一哥 2019-10-08 12:21:21
有一計、即刻公佈收番貴族波地…全部要嚟起公屋、直情一桶冰水照頭淋…一定應過開水炮車…好過再立D19法…即時乜火都透唔着嘞 ! 橫掂死局…試試吖  !

7. 十一哥 2019-10-08 12:26:09
克3已經出哂位…貴族一定唔敢呱呱嘈、呢招孫子兵法一定有…不過十一哥冇讀過書…唔識 !

8. 老師 2019-10-08 13:05:58
好多舊嘅校友已經做了老師或是大學生,洗腦的途經不同而已。
10. 活在當下 2019-10-08 13:34:47
如果 各校長開除 被補的暴徒 的學籍,我就相信她們的變質 與學校無關。
但現在是各校長都保留暴徒的學籍,保護暴徒!
13. 說3道4 2019-10-08 14:03:34
校長純粹為生計,那就太可恥了,只會為暴徒學生辯護保飯碗,枉為人師表!
14. 保留暴徒的學籍 2019-10-08 14:16:59
咁禾又真心覺得唔應該開除佢地, 開除黎有乜意義呢?
16. 鳥5 2019-10-08 14:46:17
今次攬炒 ,大家都發現有啲問題 ,真係冇乜人理。。 解決到都係好事。就算解決唔到, 大家都知有件咁嘅事, 都係好事。。 教育同政治。。 點樣介
17. 鳥5 2019-10-08 14:53:15
林鄭撩下撩下,都 撩左好多問題...哈哈。 好過以前懵下懵下, 我總係覺得好事Lai... 牛鬼蛇神一鋪過
19. 鳥5 2019-10-08 15:43:11
博士,不過易地而處 ,如果係星加坡 。。咁你覺得個校長發生啲事佢點做呢7.大家都係話人儒系社會文化。。
20. 教育同政治。。 點樣介 2019-10-08 15:49:27
話雖如此, 果啲學校校長同楊局長, 可能真係要返去讀吓書, 現時佢地嘅水平, 連進行有水準嘅討論都唔到 target, 或者咁講, 佢地都唔正確認識佢的對手, 又如何進行相關教育?
21. 引刀一快 2019-10-08 15:56:30
鳥5兄

呢鋪表面牝雞司晨,實則垂簾聽政,牛鬼暗鬥蛇神,想登牛魔王。
22. 活在當下 2019-10-08 17:04:47
14樓,
學生做錯都繼續呵護? 這樣會對社會發放錯誤訊息,影響深遠
23. 鳥5 2019-10-08 17:51:04
20F... 儒 係思想 係有弊端 ...上層 柯打.. 可能都未明白個概念。。 儒 思想人會照去做... 好少反思個(因果)。。 因果就佛系。。。 儒係 係建基於社會效率。 不過今日不作探討。。啲門哲學社會科學
24. 鳥5 2019-10-08 18:09:13
禍為福所繫 福為禍所依.. 禍福 本是兄弟....
答案本身 源於問題 
搵到一個有質素嘅 問題 
就接近搵到一個有質素嘅 答案
明就明唔明我都幫你唔到
25. 影響深遠 2019-10-08 18:14:15
禾其實有興趣睇校長同楊局長如何解釋開或不開除的考慮
如果由禾答, 禾會話咁係用一個幼稚嘅方法來推卻面對一件幼稚嘅罪行
校長同楊局長需要解說唔開除下一步佢地會做乜
在以往, 啫係仲有小學升中試咁上下, 有冇高中同讀邊間學校對人生影響好大, 記缺點小過大過開除才有意義, 在 15 年免費、教育商品化的今日, 開除只係將一個波踢去第二度
開除學籍在大學會比較合適
但校長同楊局長有冇解說唔開除下一步要做乜呢?
本土長期問題係刻意迥避正確認識政治議題, 好似民智未開時的性教育咁
教育局出的蒙面通告在兜圈, 鄧振強也在推卸責任兜上兜
禾大概 Form 2, 訓導執禾地的校服, 講到點解要着校服, 因為校園是樸素的, 不論階層學生只可以穿同一套衫返黎, 校園不可以標奇立異(果時未興染金毛)
學生手拖手, 禾是受落的, 因為和平嘛, 思春期嘛, 算啦, 但戴口罩眼罩呢, 則是標奇立異, 因為有立場取向, 人做你就做, 自己都唔知自己做緊乜
刻意迥避正確認識政治議題, 令到戴有色眼鏡的人, 為反而反嘅人有機可乘
如性教育一樣, 其實正正常常去教就是了。
26. Johnny 2019-10-08 20:54:47
我認識唔少老師,偏偏識親都系超級深黃,只要提起中國任何野都會系咁鬧,如果你哪怕有一句稱讚中國既說話即刻就同你鬧大交直情絕交都得。你話巧合又好點都好,我對香港大多數老師是否真系可以為人師表深感擔心。
27. 鳥5 2019-10-08 20:59:45
25樓有其道理有同理心不過而家係宇宙實力平衡... 到咗唔係講道理嘅時間
29. 十郎 2019-10-08 22:19:40

      唔信 ? 睇下教協言論 , 教協人數 , 佔中教師和學生表現 , 黃痴瘋一班是否學生 , 被捕者60%是學生 , 罷學、手牽手是學生 , 校園欺凌 , 老師幫手打壓警員子弟 , 貶低異見子弟成績。教師不學無算 ,炒股賭馬就有份。

31. 鳥5 2019-10-08 23:31:31
不過講開又講情意結呢樣嘢... 日本同德國都係二戰侵略囯。。 喺共產黨嘅宇宙。 佢睇得起德國人, 睇唔起日本人。。 因為德國人 有一個總理。 有勇氣單 膝一跪。。二戰公 墳。。 就係呢個情意結 ,共產黨就睇唔起日本人。。 但對於公民質素 其實共產黨係非常欣賞 評價甚高 呢個係事實
32. 鳥5 2019-10-08 23:44:07
放下過去, 活於當下。。 有時候真係有啲難度
33. Z 2019-10-09 00:03:10
教育的精粹是循循善誘,老師必精於誘導,總不能逃避責任吧.

34. 鳥5 2019-10-09 00:13:31
2019年, 攬炒, 係國際洪流
38. 攬炒, 係國際洪流 2019-10-09 15:37:59
鳥哥, 冇辦法, 咁係新秩序之建立過程。